Türkmenistanyň Oba hojalyk ministrliginiň Pagtaçylyk ylmy-barlag institutynyň Daşoguz bölüminiň işgärleri welaýatyň howa şertlerine uýgunlaşdyrylan pagtanyň täze görnüşlerini döretmek boýunça işleri alyp barýarlar. Bu barada «Türkmenistan: Altyn asyr» elektron gazeti habar berýär. Şu ýyl olar görnüşleri synagdan geçirmek üçin degişli ministrligiň düzümine pagtanyň «Daşoguz-11» we «Daşoguz-12» atly täze görnüşleriniň tohumlaryny hem-de ähli zerur resminamalary tabşyrdylar. Bu görnüşler pagtanyň ozal döredilen orta süýümli «Daşoguz» görnüşiniň dowamydyr. Daşoguz welaýat bölüminiň müdiri Ç. Seýitmyradowyň bellemegine görä, sebitde ösdürilip ýetişdirilýän pagtanyň hil görkezijilerini ýokarlandyrmak we ýerli topragyň hem-de howanyň şertlerine has laýyk gelýän ýokary hasyl berýän görnüşleri döretmek boýunça güýçli işler alnyp barylýar. Täze görnüşler hasyllylyk, süýüm çykymy we onuň hili boýunça has ýokary görkezijiler bilen tapawutlanar. Pagtaçylyk welaýatda oba hojalyk önümçiliginiň esasy ugurlarynyň biri bolup durýar. Döwlet taslamalarynyň üstünlikli durmuşa geçirilmegi netijesinde bu ýerde tohumçylyk işinden we tohum materiallaryny öndürmekden başlap, öndürilen çig maly gaýtadan işläp taýýar önüm öndürmeklige çenli doly önümçilik zynjyry döredildi. Sebitiň senagat mümkinçilikleriniň yzygiderli ösdürilmegi netijesinde ýerli çig maly gaýtadan işlemäge esaslanýan birnäçe ýokary öndürijilikli pagta arassalaýjy zawodlar üstünlikli işleýär.
Türkmenistanyň Oba hojalyk ministrliginiň Pagtaçylyk ylmy-barlag institutynyň Daşoguz bölüminiň işgärleri welaýatyň howa şertlerine uýgunlaşdyrylan pagtanyň täze görnüşlerini döretmek boýunça işleri alyp barýarlar. Bu barada «Türkmenistan: Altyn asyr» elektron gazeti habar berýär.
Şu ýyl olar görnüşleri synagdan geçirmek üçin degişli ministrligiň düzümine pagtanyň «Daşoguz-11» we «Daşoguz-12» atly täze görnüşleriniň tohumlaryny hem-de ähli zerur resminamalary tabşyrdylar.
Bu görnüşler pagtanyň ozal döredilen orta süýümli «Daşoguz» görnüşiniň dowamydyr. Daşoguz welaýat bölüminiň müdiri Ç. Seýitmyradowyň bellemegine görä, sebitde ösdürilip ýetişdirilýän pagtanyň hil görkezijilerini ýokarlandyrmak we ýerli topragyň hem-de howanyň şertlerine has laýyk gelýän ýokary hasyl berýän görnüşleri döretmek boýunça güýçli işler alnyp barylýar. Täze görnüşler hasyllylyk, süýüm çykymy we onuň hili boýunça has ýokary görkezijiler bilen tapawutlanar.
Pagtaçylyk welaýatda oba hojalyk önümçiliginiň esasy ugurlarynyň biri bolup durýar. Döwlet taslamalarynyň üstünlikli durmuşa geçirilmegi netijesinde bu ýerde tohumçylyk işinden we tohum materiallaryny öndürmekden başlap, öndürilen çig maly gaýtadan işläp taýýar önüm öndürmeklige çenli doly önümçilik zynjyry döredildi.
Sebitiň senagat mümkinçilikleriniň yzygiderli ösdürilmegi netijesinde ýerli çig maly gaýtadan işlemäge esaslanýan birnäçe ýokary öndürijilikli pagta arassalaýjy zawodlar üstünlikli işleýär.
April 14, 2026 - BY Admin